سندھ جرنلسٹس کونسل نے پنجاب پولیس کی جانب سے کشمور کے صحافی خان محمد شر کو والدہ اور بیوی سمیت بے گناھ اغوا کرنے کی شدید مذمت کرتے ہوے فوری بازیابی کا مطالبہ کیا ہے
سندھ جرنلسٹس کونسل کے مرکزی صدر قاضی ذوالفقار سمیت ایگزیکٹیو کمیٹی کے دیگر رہنمائوں نے جاری کردہ بیان میں کہا ہے کہ دو دن قبل پنجاب، رحیمیار خان پولیس نے سندھ میں داخل ہوکر کشمور سے غیرقانونی طور پر نامور صحافی خان محمد شر کو اُنکی والدہ اور بیوی سمیت گرفتار/ اغوا کیا ہے،
پنجاب پولیس بغیر کسی ایف آئی آر اور منظوری کے سندھ میں داخل ہوی اور صحافی کے گھر میں گُھس کر اُسے والدہ اور بیوی سمیت اغوا کر کے پنجاب لے جایا گیا ہے۔
سندھ جرنلسٹس کونسل نے کہا ہے کہ وقوعہ کی وجہ سے سندھ بھر کے صحافیوں میں شدید غم و تشویش پائی جاتی ہے، ایس جے سی نے وزیر اعلی سندھ سید مراد علی شاھ، سینئر صوبائی وزیر شرجیل انعام میمن اور صوبائی وزیر داخلا ضیاالحسن لنجار سے مطالبہ کیا ہے کہ فوری طور پر معاملے کا نوٹیس لیتے ہوے پنجاب پولیس کے پاس یرغمال صحافی خان محمد شر اور اُنکی خواتین کو آزاد کرواکر لاقانونیت میں ملوث پولیس والوں کیخلاف اغوا کا مقدمہ اور محکمہ جاتی کارروائی کروائی جائے
