کرا چی کے مختلف علاقوں میں آوارہ کتوں کی بہتات۔عزیز آباد میں آوارہ کتے کے حملے میں بچی زخمی ہوگئی۔گزشتہ روز پیش آئے واقعے کی سی سی ٹی وی فوٹیج سامنے آگئی ۔
عزیز آباد بلاک ٹو میں آوارہ کتے کے حملے میں بچی معمولی زخمی ہوئی۔سی سی ٹی وی فوٹیج میں دیکھا جاسکتا ہے کہ بچی اسکول بیگ تھامے کار سے اتری اور گھر کی جانب گئی۔جونہی بچی گلی میں داخل ہوئی آوارہ کتے نے اس پر حملہ کردیا۔بچی الٹے قدموں گھبراکر بھاگتی ہے۔اس دوران اس کا اسکارف بھی گرجاتا ہے۔ فوٹیج میں نمایاں ہے کہ خاتون نے گھبرائی ہوئی بچی کو سنبھالا اور دوبارہ کار میں بٹھادیا۔ علاقہ مکینوں کا کہنا ہے کہ آوارہ کتوں کی بہتات اور خاتمے سے متعلق کئی اداروں کو شکایات درج کراچکے ہیں مگر کوئی شنوائی نہیں ہوئی۔ ایک سال کے عرصے میں کئی افراد آوارہ کتوں کے کاٹنے اور حملے سے زخمی ہوچکے ہیں۔
