کراچی اورنگی ٹاؤن میں تولیہ فیکٹری میں آگ لگ گئی۔ فائر بریگیڈ کے عملے نے چار فائر ٹینڈرز کی مدد سے آگ پر قابو پالیا ۔
اورنگی ٹاؤن سیکٹر پانچ کی فیکٹری میں آگ لگنے کی اطلاع پر ابتدائی طور پر کے ایم سی کے تین فائر ٹینڈرز اور ریسکیو ڈبل ون، ڈبل ٹو کی ٹیمیں موقع پر پہنچی۔ فائر بریگیڈ حکام کا کہنا ہے واقعے میں کسی جانی نقصان کی اطلاع نہیں۔آگ ممکنہ طور پر شارٹ سرکٹ کے باعث لگی۔ تین گھنٹے کی جدوجہد کے بعد آگ پر قابو پالیا گیا۔ کولنگ کا عمل جاری ہے۔
