کراچی میں منوڑا کے نزدیک سمندر میں ڈوبنے والے لڑکے کا تین روز بعد بھی سراغ نہ مل سکا ۔
ترجمان ایدھی کے مطابق تین روز سے ایدھی بحری خدمات کی ٹیمیں ڈوبنے والے نوجوان کی تلاش میں مصروف ہیں۔ ہفتے کی شام پکنک کےلئے فیملی کے ہمراہ آنے والا نوجوان مصطفیٰ آفتاب سمندر میں ڈوب گیا تھا۔ڈوبنے والے تین سگے بھائی بہنوں کی لاشیں اسی روز سمندر سے نکال لی گئی تھیں ۔ پانچ اکتوبر کو ایک ہی خاندان کے چار افراد ساحل پر نہاتے ہوئے ڈوب گئے تھے۔
