پولیس کےمطابق ملزم اور ساتھیوں کی دوران واردات فائرنگ سے دو اگست کو شہری جاں بحق ہوا تھا۔ ملزم چھ رکنی گروہ کا سرغنہ ہے ، اور اس کے کچھ ساتھی پہلے بھی گرفتار ہوچکے ہیں۔ پولیس کا کہنا ہے گرفتار ملزم نے بینکوں سے رقم لے کر نکلنے والے شہریوں کی ریکی کرنے کا بھی اعتراف کیا ہے۔ملزم وارداتوں کے لئے اسلحے اور موٹرسائیکلوں کا بندوبست بھی خود کرتا تھا۔اس نے ساتھیوں کے ہمراہ بلال کالونی، نیوکراچی، صنعتی ایریا،گبول ٹاؤن اور دیگر علاقوں میں وارداتوں کا اعتراف کیا ہے۔
