کراچی میں جاری دو روزہ سندھ لٹریچر فیسٹیول کے آخری روز ادبی سیاسی ،سماجی شخصیات کی بڑی تعداد نے شرکت کی ،،،
کراچی میں 2روزہ رنگا رنگ سندھ فیسٹیول کا انعقاد کیا گیا ،سندھ فیسٹیول کے آخری روز مختلف سیشن کا اہتمام کیا گیا ہے، جس میں کتابوں کی رونمائی ، موسیقی کے ساتھ ساتھ سندھ کا روایتی رقص بھی پیش کیا گیا
فیسٹیول کے آخری روز معروف گلوکاروں کی شاندار پرفارمنس اور مشاعرے نے سندھ لٹریچر فیسٹیول کو چار چاند لگا دیے، سندھ لٹریچر فیسٹیول میں ادب سے تعلق رکھنے والے لوگوں کا تانتا بندھا رہا۔ فیسٹیول میں مختلف اسٹالز بھی لگائے گئے جو ہر آنے والے کی توجہ کا مرکز رہے۔
ثقافتی رنگوں اور سرگرمیوں سے بھرپور سندھ لٹریچر فیسٹیول کا مقصد سندھی ثقافت، سندھی موضوعات اور شاعری کو اجاگر کرنا ہوتاہے، سندھی آرٹ کے ہاتھوں کے کاموں کو بھی فیسٹیول میں پیش کیا گیا تھا جبکہ سندھ کی ثقافت، کتابوں، روایتی دستکاری کے اسٹالز بھی لگائے گئے تھے
سندھ لٹریچر فیسٹیول کے بانی نصیر گوپانگ اور منیجنگ ڈائریکٹر زوہیب کاکا نے فیسٹیول کے اختتام پر محکمہ ثقافت سندھ، سندھ ایجوکیشن فاﺅنڈیشن سمیت دیگر اداروں کا بھرپور تعاون کرنے پر شکریہ ادا کیا۔
