کراچی پولیس نے رکشہ سوار خاتون سے واردات کرنے والے دو ملزموں کو گرفتار کرلیا گیا۔
چار ستمبر کو ناظم آباد نمبر چار میں رکشہ میں سوار خاتون سے تین ملزموں نے لوٹ مار کی تھی۔ ملزموں کو سوشل میڈیا پر وائرل سی سی ٹی وی فوٹیج کی مدد سے گرفتارکیا گیا۔گرفتار ملزم عادی مجرم ہیں اور انہوں نے دوران تفتیش کئی وارداتوں کا اعتراف کیا ہے۔ ملزموں کے خلاف مختلف تھانوں میں مقدمات درج ہیں۔ ملزموں کے تیسرے ساتھی کی تلاش جاری ہے۔
