سندھ حکومت اور برٹش کونسل کے درمیان 30 ہزار اساتذہ کی تربیت کے لیے مفاہمتی یادداشت پر دستخط
کراچی، 26 جون: محکمہ اسکول ایجوکیشن و خواندگی، حکومتِ سندھ اور برٹش کونسل پاکستان کے درمیان ایک مفاہمتی یادداشت (LOI) پر دستخط کیے گئے ہیں، جس کا مقصد “ایسٹ” (English as Subject for Teachers and Educators) پروگرام کے تحت پرائمری اسکول ٹیچر اور Early Childhood Education کیڈر کے 30,000 اساتذہ زبان کو بطور مضمون پڑھانے کی تربیت دی جاۓ گی، اس مقصد کے حصول کے لئے 1,000 اساتذہ کو مینٹور کی حیثیت میں تربیت دی جاۓ گی جبکہ ہر ایک مینٹور پر 30 اساتذہ تربیت کی ذمہ داری ہوگی، مفاہمت کے تحت انگلش کے علاوہ اردو اور سندھی کے مضامین کی تربیت کو بھی شامل کیا گیا ہے، یہ تربیت ڈجیٹل طریقہ کار کے تحت آن لائین پلیٹ فارم کے ذریعے دی جاۓ گی۔ اس اشتراکی اقدام کی دستخطی تقریب کی صدارت وزیر تعلیم سندھ سید سردار علی شاہ اور برٹش کونسل کی ریجنل ڈائریکٹر ساؤتھ ایشیا ہیلن سلویسٹر نے مشترکہ طور پر کی جبکہ مفاہمتی یادداشت پر دستخط سیکریٹری محکمہ تعلیم و خواندگی، حکومتِ سندھ اور مسٹر جیمز ہیمپسن، کنٹری ڈائریکٹر، برٹش کونسل پاکستان نے کیے۔ اس موقع پر وزیر تعلیم سندھ سید سردار علی شاہ نے کہا کہ سندھ حکومت کی طرف سے 75 ہزار سے زائد اساتذہ کی بھرتی کو مرحلہ مکمل ہونے جا رہا ہے، اساتذہ کی کمی کو پورا کردیا گیا ہے، جبکہ ہمارا اگلا مرحلہ اساتذہ کی پروفیشنل ڈولپمینٹ اور کپسٹی بلڈنگ کا ہے، صوبائی وزیر تعلیم نے کہا کہ ہم ٹیچرز ایکسچینج پروگرام جسے اقدامات شروع کر کے ایک دوسرے کے تجربات سے سیکھ سکتے ہیں کیوں کہ استاد کا پنا مشاہدہ بھی وسیع ہونا چاہیے۔ تقریب میں دیگر شرکاء میں ہیڈ آف انگلش پروگرام محمد طلحہ چشتی، مینیجر اکیڈمکس برٹش کونسل رابعہ ملک رابعہ ملک، چیف پروگرام مینجر آر ایس یو ڈاکٹر جنید سموں، چیف ایگزیکیوٹو ایڈوائزر کریکیولم ڈاکٹر فوزیہ خان، STEDA کے ایگزیکٹو ڈائریکٹر سید رسول بخش شاہ، پریم ساگر شامل تھے، اشتراک صوبہ سندھ میں انگریزی زبان کے علاوہ اردو اور سندھی کی بطور زبان مضمون کے تدریس کے معیار کو بہتر بنانے اور اساتذہ کی پیشہ ورانہ صلاحیتوں میں اضافے کے لیے ٹیکنالوجی پر مبنی جدت طراز اقدامات کی جانب ایک اہم قدم ہے۔
