کراچی
سینئر وزیر شرجیل انعام میمن کی زیر صدارت ٹورنٹو میٹروپولیٹن یونیورسٹی کے وفد سے ملاقات اور کانفرنس کے موقع پر سندھ حکومت اور ٹورنٹو میٹروپولیٹن یونیورسٹی نے تعلیمی شراکت داری بڑھانے پر اتفاق کر لیا ہے۔
ملاقات اور کانفرنس کے موقع پر سیکریٹری یونیورسٹیز ائنڈ بورڈز عباس بلوچ، این ای ڈی یونیورسٹی کے وائس چانسلر سروش لودھی سمیت سندھ کے مختلف جامعات کے وی سیز اور دیگر حکام نے شرکت کی۔
محکمہ یونیورسٹیز اینڈ بورڈ کے زیر اہتمام ملاقات اور کانفرنس میں ٹورنٹو میٹروپولیٹن یونیورسٹی کے وفد کی قیادت ٹورنٹو میٹروپولیٹن یونیورسٹی صدر و وی سی محمد لاشیمی نے کی۔
اس موقع پر تعلیمی میدان میں تعاون بڑھانے، تحقیقی شراکتداری اور سندھ اور اور کینیڈین ادارے کے درمیان تعلیمی منصوبوں پر تبادلہ خیال کیا گیا۔
ملاقات کے بعد کانفربس سے خطب کرتے ہوئے سندھ کے سینئر وزیر اور صوبائی وزیر برائے اطلاعات، ٹرنسورٹ و ماس ٹرانزٹ شرجیل انعام میمن نے کہا کہ ہمارے جامعات اور اداروں کے درمیان تعلقات کو مزید مستحکم کرنا نہایت ضروری ہے، یہ شراکت داری ہماری قوم کے مستقبل کو تشکیل دینے اور نئی نسل کو بااختیار بنانے میں کلیدی کردار ادا کرے گی۔
انہوں نے کہا کہ حکومت، صنعت، اور اکیڈمیا کے درمیان خلا کو کم کرنا وقت کی ضرورت ہے، سب مل کر ایک دوسرے کی مہارت اور وسائل کو بروئے کار لاتے ہوئے جدت، معاشی ترقی اور سماجی خوشحالی کو فروغ دے سکتے ہیں۔
سینئر وزیر شرجیل انعام میمن ٹورنٹو میٹروپولیٹن یونیورسٹی، این ای ڈی، اور سندھ کی دیگر جامعات کے درمیان طلبہ کے تبادلے کو فروغ دیا جائے گا، حکومت سندھ تعلیمی اداروں کے ساتھ شراکت داری کو مزید مضبوط کرے گی۔ سینئر وزیر شرجیل انعام میمن نے اجلاس کے بہترین انتظامات پر سیکریٹری یونیورسٹیز اینڈ بورڈز اور ان کی ٹیم کی کاوشوں کو سراہا۔
کانفرنس سے خطاب کرتے ہوئے ٹورنٹو میٹروپولیٹن یونیورسٹی صدر و وی سی محمد لاشیمی نے کہا کہ سندھ کے دورے پر آ کر بے حد خوشی ہوئی، یہاں تعلیمی شعبے میں ہونے والی ترقی قابل تعریف ہے، ٹورنٹو میٹروپولیٹن یونیورسٹی سندھ کے تعلیمی اداروں کے ساتھ مل کر علمی تعاون اور جدت طرازی کو فروغ دینے کے لیے تیار ہے۔
انہوں نے کہا کہ ٹورنٹو میٹروپولیٹن یونیورسٹی سندھ کے تعلیمی اداروں کے ساتھ مل کر تحقیق، تدریسی پروگرامز، اور تعلیمی مواقع کو فروغ دینے کے لیے ہر ممکن تعاون کرے گا، بین الاقوامی تعاون سے تعلیمی اداروں میں معیار تعلیم کو مزید بہتر بنایا جا سکتا ہے۔
تقریب کے موقع پر سینئر وزیر شرجیل انعام میمن نے معزز مہمانوں کو اجرک اور سندھی ٹوپی کے تحائف بھی پیش کئے۔
