کراچی میں دو ٹریفک حادثات میں چار افراد جاں بحق ۔سائٹ ایریا میں بس کو حادثہ میں دو افراد جاں بحق اور نو افراد زخمی ہوئے۔ قائدآباد میں ٹینکر کی ٹکر سے دو افراد کی جان چلی گئی۔
سائٹ ایریا میں باوانی چالی کے قریب تیز رفتار بس کو حادثہ میں دو افراد جاں بحق اور خاتون سمیت نو افراد زخمی ہوئے۔ پولیس کا کہنا ہے حادثہ ممکنہ طورپر بس کے بریک فیل ہونے کے باعث پیش آیا ۔ حادثہ کے بعد فرار بس ڈرائیور کو پولیس نے اورنگی ٹاون سے گرفتار کرلیا۔ قائدآبادمرغی خانہ کےقریب ٹینکر کی ٹکر سے دوافرادجاں بحق ہوئے۔
