کراچی میں تیز ہوائیں چلنے سے کئی مقامات پر درخت اکھڑ گئے۔ خاتون جاں بحق اور ایک شخص زخمی ہوا جبکہ ایک گاڑی کو بھی نقصان پہنچا۔
سمندری طوفان کے زیر اثر شہر میں تیز ہوائیں چل رہی ہیں۔ گلستان جوہر ،گلشن اقبال ،شارع فیصل،ڈیفنس، ٹاور اورکورنگی کے علاقوں میں درخت گرگئے۔ ریسکیو ذرائع کے مطابق گلشن اقبال اسٹیڈیم روڈ کے قریب درخت گرنے سے گداگر خاتون جاں بحق ہوئی۔ درخت کی زد میں آکر بجلی کی تاریں بھی ٹوٹ گئیں اور پول کو نقصان پہنچا۔کورنگی ساڑھے پانچ نمبر میں درخت گرنے سے ایک شخص زخمی ہوا۔
ڈیفنس میں درخت گرنے سے گاڑی کو نقصان پہنچا ۔ تیز
ہواؤں کے باعث ٹاور کسٹم ہاؤس کے قریب بھی درخت اکھڑ گیا۔
