بلوچستان میں اورماڑہ کے قریب حادثے کا شکار ہونے والے کے ٹو ائیرویز کے کارگو طیارے کے لاپتہ عملے اور ملبے کی تلاش کے لیے گہرے سمندر میں بڑے پیمانے پر سرچ اینڈ ریسکیو آپریشن بدستور جاری ہے۔
پاکستان نیوی اور پاکستان میری ٹائم سیکیورٹی ایجنسی (PMSA) کے جدید بحری جہاز اور ٹیمیں سمندری حدود کی تفصیلی اسکیننگ میں مصروف ہیں۔ ترجمان پاکستان ایئر پورٹس اتھارٹی کے مطابق، سمندر سے تباہ شدہ طیارے کے مزید پرزے اور ملبہ برآمد کر لیا گیا ہے۔ اس برآمد شدہ ملبے کو حادثے کی اصل وجوہات جاننے کے لیے تکنیکی تجزیے کی خاطر سول ایوی ایشن کی خصوصی تحقیقاتی ٹیم کے حوالے کیا جائے گا۔ ریسکیو حکام لاپتہ عملے کی تلاش کے لیے تمام تر جدید وسائل بروئے کار لا رہے ہیں۔
