کراچی کے علاقے نارتھ ناظم آباد میں ترقیاتی کام کے دوران مٹی کے ڈھیر تلے دب کر ایک شخص جاں بحق ہوگیا۔ ریسکیو اور پولیس کے مطابق متوفی پنکچر کا کام کرتا تھا۔
کراچی کے علاقے نارتھ ناظم آباد بلاک بی میں واقع فتح پارک کے سامنے سوئی گیس کی لائن بچھانے کے لیے سڑک کی کھدائی کا کام جاری تھا۔اسی دوران جمیل نامی شخص، جو کھدائی کے مقام پر ہی پنکچر کا ٹھیہ لگاتا تھا، گڑھے کو پار کرنے کی کوشش میں نیچے جا گرا۔ریسکیو حکام کے مطابق، جونہی جمیل نیچے گرا،مٹی کاڈھیر اس پر آن گرا، جس کے باعث وہ موقع پر ہی دم توڑ گیا۔پولیس کے مطابق متوفی جمیل سرجانی ٹاؤن کا رہائشی تھا۔جس کی لاش کواسپتال منتقل کر دیا گیا ہے۔
