ایک فائٹ، تین ٹائٹل۔ کاونٹ ڈاون شروع۔سندھ پولیس کی ریپڈ رسپانس فورس کے باکسر شہیر آفریدی ، پانچ اکتوبر کو جنوبی افریقی حریف پیٹرک آلوٹے کے خلاف اپنے تین ٹائٹلز کا دفاع کریں گے۔
شہیر آفریدی مڈل ویٹ کیٹیگری کے باکسنگ مقابلوں میں ورلڈ باکسنگ کونسل، ورلڈ باکسنگ ایسوسی ایشن اور ایشین باکسنگ فیڈریشن کے چیمپئن ہیں۔ فتح کی صورت میں باکسر شہیر آفریدی کا شمار سو بہترین پروفیشنل باکسرز میں کیا جا ئے گا ۔شکست کی صورت میں شہیر آفریدی کو رینکنگ میں تنزلی کے ساتھ تینوں ٹائٹلز سے بھی ہاتھ دھونا پڑے گا۔شہیر آفریدی نے پندرہ پروفیشنل مقابلوں میں سے تیرہ میں کامیابی حاصل کر رکھی ہے۔حریف باکسر پیٹرک آلوٹے کو پچاس مقابلوں میں سے صر ف چھ میں سے شکست کا سامنا ہوا۔ باکسر شہیر آفریدی کا کہنا ہے وہ کامیابی کے لئے پر عزم ہیں۔قوم سے دعاؤں کی اپیل بھی کردی۔
