کراچی میں دائود انجینئرنگ یونیورسٹی کے طلبہ نے یونیورسٹی انتظامیہ کے خلاف شہر کے آٹھ مقامات پر احتجاج کیا۔
طلبہ کی جانب سے یونیورسٹی روڈ، شیر شاہ پراچہ چوک، کورنگی سنگر چورنگی اور شاہین کمپلیکس سمیت مختلف مقامات پر احتجاج کیا گیا۔ شاہین کمپلیکس پر بینر تھامے طلبہ نے قطار بناکر سڑک کو ٹریفک کے لئے بند کردیا۔ اطراف کی سڑکو ں پر شدید ٹریفک جام ہوگیا۔ کچھ دیر پر طلبہ احتجاج ختم کر کےمنتشر ہوگئے۔
