حیدرآباد سے کراچی کے لئے کار بکنگ پر لاکر چھیننے والے تین ملزموں کو گرفتار کر کے کار برآمد کرلی گئی۔
ترجمان اینٹی وہیکل لفٹنگ سیل کےمطابق ملزموں کو ناردرن بائی پاس سے گرفتار کیا گیا۔ تینوں ملزموں نے بارہ ستمبر کو رینٹ اے کار سےگاڑی کراچی کےلئے بک کرائی تھی۔ ملزمان انڈس چوک،عمر بروہی گوٹھ سے ڈرائیور کو زخمی کرنے کے بعد کار چھین کر فرار ہوگئے تھے۔ چھینی گئی کار کا مقدمہ تھانہ گلشن معمار میں درج ہے۔ ترجمان اے وی ایل سی کے مطابق گرفتار ملزم اس سے قبل بھی ڈکیتی اور منشیات کےمقدمات میں گرفتار ہوچکے ہیں۔ملزمان چوری کی گئی گاڑیوں کوگوادر میں فروخت کر تے تھے۔
